АҚШ сенаты үкіметке қыркүйекке дейін шатдаун болдырмай, жұмыс істеуге мүмкіндік беретін қысқамерзімдік шығын туралы заң жобасын қабылдады. Оны демократиялық партияның он өкілі қолдады. Мемлекет қорғаныс саласының шығынын сәл көбейтеді.
Жұма күні құжат президент Дональд Трампқа қол қоюға жіберілді.
Заң жобасын 54 сенатор қолдап, 46-сы қарсы болды. Екі демократ республикашылдарды қолдады. Кейбір демократтар бюджет жобасына қарағанда үкімет жұмысының тоқтап қалуынан мемлекет көбірек зардап шегеді деп құжатқа дауыс берген.
Республикашылдар басым көпшілік болып отырған өкілдер палатасы осы аптада заң жобасын қабылдаған. Құжат қорғаныс саласына бөлінетін шығын көлемін шамамен 6,75 триллион доллар көлемінде қалдырады.
Демократтар шығын көлемін шамамен 7 миллиард долларға қысқартатын заң жобасына наразы болды. Олардың пікірінше, құжат ондаған мың жұмыс орнын қысқартуға соқтыруы мүмкін. АҚШ қарулы күштері бұл жолы шамамен 6 миллиард долларға көбірек қаражат алады, ал қорғаныс саласына қатысы жоқ бағдарламаларды қаржыландыру 13 миллиард долларға қысқартылған деп жазды "Америка дауысы" сайты.